NGECREK

Udan Ngcrek ora mandeg mandeg

Cerita Asal - Kondisi sing udane cilik tapi ayuh bae. Irama netese banyu sing langit nabraki kaca kadang labas maring triktikan. Itu kenapa de arani triktikan karena suarane trik..trik..ya kan?.

Sing ning desa sokan betah men, ngumpul karo keluarga. Si mbok lagi gawe klethisan, bentuke werna- werna asal kuwe hasil bumi sing pekarangane dewek. Ana tales ya de goreng, ana budin ya de bakar, mengko teh anget sepete de adoni ning Krepis.

Wedange asli gemulak umob sing ceret, panase sing geni udu sing induksi listrik. Kukus geni sing pawon sekian persen turut andil gawe aroma wedang semangkin buket, "assembly" point alias titik berkumpul biasane ng ruangan sing ana jendelane, mbari weruh udan gigal. Ari gigal rapih men, gentenan yoh, ora jere soarr sing langit, ilok ari nyirati kaya apa. ukurane pada bae. Gigale ya trut siji, teplak ning godong murug Kinjeng sing lagi nonob.

Luwe pada mlaku sing leng, metu mbuh nggoleti apa. iloksi luwe mangane apa yoh?. Bangkong ting pletik banget ngaksine, anu wis mranah -- balik mrene maning. Let ora suwe ana trelep.. ngger murube cilik ngko bledege lirih men tur sok telat monine mengkoan ngenteni si kaki nglirihna redio tjawang.

Udan-udan ngecrek wayah sore ujarku kayong indah nemen. Let ora suwe bocah- bocah pada blijing latan jok latar pada udan-udan-an, de penging koh memberontak malah jeder bae lawange. de tegi rosa men.

Akhire tales gorenge tek plok gari se sigar. Kaeh ugen ayam janggar ana telu ting cetutur prek emper gubugan, cipruk ewa retung. kweh, yoh ugen rika ge nden tau ngrasakena yoh. anunesi ya saben wong beda-beda cara menikmati suasana ngecrek.(J~Lo nov18)